Terms of service

საიტის მოხმარების წესები და პირობები

1. ზოგადი დებულებები

წინამდებარე წესები და პირობები წარმოადგენს თქვენსა და შპს „აითიჯიეს ჯგუფი“-ს (შემდგომში „კომპანია“) შორის დადებულ სავალდებულო ძალის მქონე შეთანხმებას და არეგულირებს თქვენ მიერ კომპანიის ვებგვერდის www.itgserv.com გამოყენებას.

ვებგვერდი და მასთან დაკავშირებული მომსახურებები, მათ შორის კომპანიის მიერ კლიენტების მიმართ განხორციელებული ნებისმიერი სახის კომუნიკაცია, შემდგომში ერთობლივად წოდებულია როგორც პლატფორმა.

გთხოვთ, ვებგვერდის გამოყენებამდე ყურადღებით გაეცნოთ წინამდებარე წესებს. ყველა კლიენტი, რომელსაც სურს პლატფორმით სარგებლობა, ვალდებულია დაეთანხმოს და დაიცვას ქვემოთ მოყვანილი წესები და პირობები.

კომპანია უფლებას იტოვებს, ნებისმიერ დროს ცალმხრივად, ამავე ვებგვერდზე გამოქვეყნების გზით, შეიტანოს ცვლილებები ამ პირობებში. წესებზე თანხმობით თქვენ ასევე ეთანხმებით კომპანიის კონფიდენციალურობის პოლიტიკას.

2. ტერმინთა განმარტება

• ანგარიში — კლიენტის მიერ ვებგვერდის საშუალებით რეგისტრირებული ანგარიში;
• ავტორიზაცია — მომხმარებლის მიერ პირად ანგარიშზე წვდომა;
• ვებგვერდი — კომპანიის ონლაინ გვერდი, რომლის მეშვეობითაც ხდება მომხმარებლის მიერ პროდუქციის ან მომსახურების შეკვეთა;
• კლიენტი/მომხმარებელი — ფიზიკური ან იურიდიული პირი, რომელსაც სურს კომპანიისგან მიიღოს პლატფორმის საშუალებით შემოთავაზებული პროდუქცია ან მომსახურება;
• კომპანია, ჩვენ ან ჩვენი — შპს „აითიჯიეს ჯგუფი“, რეგისტრირებული საქართველოს კანონმდებლობის შესაბამისად, საიდენტიფიკაციო კოდი: 405535381, იურიდიული მისამართი: ქ. თბილისი, ა. ყაზბეგის გამზირი 55;
• მხარეები — კომპანია და მისი მომხმარებლები;
• ოპერაცია — მომხმარებლის მიერ პირად ანგარიშთან ან მომსახურებასთან დაკავშირებით განხორციელებული ნებისმიერი მოქმედება;
• წვდომის კოდები — კოდები, პაროლები, მომხმარებლის სახელი და სხვა იდენტიფიკატორები, რომელთა მეშვეობითაც ხდება ანგარიშზე წვდომა.

3. რეგისტრაცია და ანგარიში

ვებგვერდზე შეკვეთის განსათავსებლად შესაძლებელია საჭირო გახდეს რეგისტრაცია. რეგისტრაციისას მომხმარებელი ვალდებულია მიუთითოს ზუსტი და სრული ინფორმაცია.

მომხმარებელი პასუხისმგებელია საკუთარი წვდომის კოდების კონფიდენციალურობაზე. ანგარიშიდან განხორციელებული ყველა ოპერაცია ჩაითვლება მომხმარებლის მიერ განხორციელებულად.

თუ მომხმარებელი შეამჩნევს ანგარიშზე უნებართვო წვდომას, ვალდებულია დაუყოვნებლივ შეატყობინოს კომპანიას.

4. პროდუქციის შეკვეთა

შეკვეთა ითვლება განთავსებულად მას შემდეგ, რაც მომხმარებელი დაასრულებს შეკვეთის გაფორმების პროცესს ვებგვერდზე.

კომპანიის წარმომადგენელი დაუკავშირდება მომხმარებელს შეკვეთის დასადასტურებლად. შეკვეთა ითვლება მიღებულად მხოლოდ დადასტურების შემდეგ.

კომპანია უფლებას იტოვებს უარი თქვას შეკვეთის შესრულებაზე, თუ პროდუქცია არ არის მარაგში, თუ მითითებულია არასწორი ინფორმაცია, ან თუ არსებობს თაღლითობის დასაბუთებული ეჭვი. ასეთ შემთხვევაში გადახდილი თანხა სრულად უბრუნდება მომხმარებელს.

5. ფასები და გადახდა

ვებგვერდზე მითითებული ყველა ფასი გამოსახულია საქართველოს ეროვნულ ვალუტაში — ლარში (GEL) და მოიცავს დღგ-ს.

კომპანია უფლებას იტოვებს ნებისმიერ დროს შეცვალოს ფასები. უკვე დადასტურებულ შეკვეთაზე ფასის ცვლილება არ ვრცელდება.

გადახდა შესაძლებელია შემდეგი მეთოდებით:
• საბანკო ბარათით (Visa, Mastercard) — გადახდა მუშავდება ლიცენზირებული გადახდის პროვაიდერის დაცულ გარემოში;
• ელექტრონული საფულით (Apple Pay, Google Pay);
• საბანკო გადარიცხვით კომპანიის ანგარიშზე.

კომპანია არ ინახავს და არ აქვს წვდომა მომხმარებლის ბარათის სრულ მონაცემებზე.

6. მიწოდება

მიწოდება ხორციელდება საქართველოს მთელ ტერიტორიაზე.

მიწოდების ვადები:
• თბილისი — 1–2 სამუშაო დღე;
• თბილისის გარეთ (რეგიონები) — 2–3 სამუშაო დღე.

მიწოდების ღირებულება:
• თბილისი: 500 ₾-მდე შეკვეთაზე — 10 ₾; 500 ₾ და მეტი — უფასო;
• თბილისის გარეთ: 1000 ₾-მდე შეკვეთაზე — 20 ₾; 1000 ₾ და მეტი — უფასო.

ვადა აითვლება შეკვეთის დადასტურებისა და გადახდის მომენტიდან. შაბათი, კვირა და უქმე დღეები სამუშაო დღეებში არ ითვლება.

მიწოდებისას მომხმარებელმა ადგილზე უნდა შეამოწმოს შეფუთვის მთლიანობა და პროდუქტის კომპლექტაცია. დაზიანების ან ნაკლულობის აღმოჩენის შემთხვევაში დაუყოვნებლივ უნდა შეატყობინოს კომპანიას.

მიწოდების დეტალური პირობები იხილეთ მიწოდების პოლიტიკის გვერდზე.

7. დაბრუნება და თანხის ანაზღაურება

შეძენიდან 10 კალენდარული დღის განმავლობაში მომხმარებელს უფლება აქვს დააბრუნოს ონლაინ შეძენილი ტექნიკა მიზეზის მითითების გარეშე.

დაბრუნების სურვილის შემთხვევაში მომხმარებელმა უნდა შეავსოს შესაბამისი ფორმა და გადააგზავნოს კომპანიის ელექტრონულ ფოსტაზე.

კომპანია ვალდებულია მომხმარებელს დაუბრუნოს გადახდილი თანხა სრულად, ხელშეკრულებაზე უარის თქმის შესახებ შეტყობინების მიღებიდან არაუგვიანეს 10 კალენდარული დღისა. კომპანიას უფლება აქვს უარი თქვას თანხის დაბრუნებაზე მანამ, სანამ საქონელს არ დაიბრუნებს.

პროდუქტი უნდა დაბრუნდეს უნაკლო, გაყიდვამდელ მდგომარეობაში, სრული კომპლექტაციით. დაბრუნების ტრანსპორტირების ხარჯს ანაზღაურებს მომხმარებელი.

თანხის დაბრუნება ხდება იმავე ანგარიშსწორების ფორმით, რომლითაც ისარგებლა მომხმარებელმა.

დაბრუნების დეტალური პირობები იხილეთ დაბრუნების პოლიტიკის გვერდზე.

8. გარანტია

ვებგვერდზე წარმოდგენილ პროდუქციაზე ვრცელდება მწარმოებლის მიერ დადგენილი საგარანტიო ვადა, რომელიც მითითებულია პროდუქტის აღწერაში ან თანდართულ დოკუმენტაციაში.

გარანტია არ ვრცელდება პროდუქტზე, რომელიც დაზიანდა არასწორი ექსპლუატაციის, მექანიკური ზემოქმედების, ბუნებრივი სტიქიის ან არაავტორიზებული შეკეთების შედეგად.

9. მხარეთა უფლება-მოვალეობები

კომპანია ვალდებულია:
• მიაწოდოს მომხმარებელს ზუსტი ინფორმაცია პროდუქციის შესახებ;
• უზრუნველყოს შეკვეთის დროული დამუშავება და მიწოდება;
• დაიცვას მომხმარებლის პერსონალური მონაცემები.

მომხმარებელი ვალდებულია:
• მიუთითოს ზუსტი და უტყუარი ინფორმაცია;
• არ გამოიყენოს ვებგვერდი უკანონო მიზნებისთვის;
• დროულად განახორციელოს ანგარიშსწორება.

10. პასუხისმგებლობის შეზღუდვა

კომპანია არ არის პასუხისმგებელი ვებგვერდის დროებით ტექნიკურ შეფერხებაზე, რომელიც გამოწვეულია მისგან დამოუკიდებელი მიზეზებით.

კომპანია არ არის პასუხისმგებელი მომხმარებლის მიერ არასწორად მითითებული მონაცემების შედეგად წარმოშობილ ზიანზე.

პროდუქტის აღწერაში შესაძლებელია იყოს უზუსტობა მწარმოებლის მიერ მოწოდებულ ინფორმაციაში. ასეთ შემთხვევაში კომპანია უზრუნველყოფს ინფორმაციის დაზუსტებას.

11. ინტელექტუალური საკუთრება

ვებგვერდზე განთავსებული ყველა მასალა — ტექსტი, გამოსახულება, ლოგო, დიზაინი — წარმოადგენს კომპანიის ან მისი პარტნიორების ინტელექტუალურ საკუთრებას და დაცულია საქართველოს კანონმდებლობით.

აკრძალულია მასალების კოპირება, გავრცელება ან კომერციული მიზნით გამოყენება კომპანიის წინასწარი წერილობითი თანხმობის გარეშე.

12. პერსონალური მონაცემები

მომხმარებლის პერსონალური მონაცემების შეგროვება, დამუშავება და დაცვა ხორციელდება კომპანიის კონფიდენციალურობის პოლიტიკის და საქართველოს კანონმდებლობის შესაბამისად.

13. მოქმედი კანონმდებლობა და დავების გადაწყვეტა

წინამდებარე წესები რეგულირდება საქართველოს კანონმდებლობით.

მხარეთა შორის წარმოშობილი დავა გადაწყდება მოლაპარაკების გზით. შეთანხმების მიუღწევლობის შემთხვევაში დავა განსახილველად გადაეცემა საქართველოს სასამართლოს.

14. რეკვიზიტები

შპს „აითიჯიეს ჯგუფი“
საიდენტიფიკაციო კოდი: 405535381
იურიდიული მისამართი: ქ. თბილისი, ა. ყაზბეგის გამზირი 55
მაღაზიის მისამართი: ქ. თბილისი, პაატა დათუაშვილის ქუჩა №3
ტელეფონი: (+995) 571 753 527 · +995 591 320 660
ელ. ფოსტა: info@itgs.ge · sales@itgs.ge
სამუშაო გრაფიკი: ორშაბათი–პარასკევი 10:00–19:00, შაბათი 11:00–17:00
საბანკო რეკვიზიტები: TBC Bank, GE69TB7269736080100014